Har du interesse for politikk og søkjer ein spennande jobb kor du kan bidra til lokaldemokratiet?

Arbeidsgiver Austevoll kommune Stillingstittel Politisk sekretær Frist 25.10.2023 Ansettelsesform Fast

Politisk sekretær Om stillingaAustevoll kommune har ledig spennande stilling som politisk sekretær/rådgjevar. Vi er på jakt etter ein person som har interesse for politikk og forvaltning.Oppgåvene i stillinga skal vere med å legge til rette for at lokaldemokratiet skal ha gode rammer for avgjersler til beste for innbyggjarane våre.Stillinga er for tida organisatorisk plassert i rådmannen sin stab. Administrasjonsmålet vårt er nynorsk.  Arbeids- og ansvarsområdeMøtesekretær med ansvar for føring av referat for kommunestyre, formannskap og andre politiske utval.  Ansvar for dokumenthandtering, innkallingar og sakslister i samråd med ordførar, rådmann og andre administrative leiarar.  Stillinga er tillagt rådgjevarfunksjon og sakshandsaming ved rådmannskontoret, medrekna saksførebuing for politiske organ og andre relevante oppgåver. Gjennomføring av val.  Organisasjonen er i utvikling, og endringar i ansvar og arbeidsoppgåver kan verta aktuelt.  Deltaking i politiske møter o.a. utanom normalarbeidstid må påreknast.  Om arbeidsstadenAdministrasjonen i kommunen held til i lyse og fine lokale på Storebø, berre fem minuttar med køyring frå Hufthamar ferjekai. Ferja er gratis for alle reisande til og frå øya. På kommunehuset er vi omlag 50 tilsette som bidrar med ulike arbeidsoppgåver for å levere gode tenester til innbyggjarane våre. KvalifikasjonskravRelevant høgare utdanning innan offentleg administrasjon/samfunnsvitskap/offentleg rett/jus.  Lang praksis innan arbeidsfeltet kan kompensera for utdanningskravet.  God kjennskap til kommunal forvaltning  Erfaring frå offentleg forvaltning/kommunal sektor er ønskeleg.  God rolleforståing og kjennskap til forholdet mellom politikk og administrasjon  Fordel med god kjennskap til IT-system som vert nytta i kommunesektoren, helst med brukarerfaring  Fordel med god kjennskap til forvaltningslova, forvaltningslova og vallova  Søkjar må vere personleg eigna for stillinga. Personen vi søkjer må kunne arbeide strukturert i ein hektisk arbeidskvardag.Vidare søkjer vi deg som: har god skriftleg og munnleg framstillingsevne er fleksibel og effektiv i arbeidet har ei trygg og tillitsskapande framferd er pliktoppfyllande og er vand med å jobbe med tidsfristar har evne og vilje til å arbeide både sjølvstendig og saman med andre er samfunnsorientert Vi tilbyrMoglegheit for fagleg utvikling i eit godt og positivt arbeidsmiljø Spanande utfordringar Løn etter kvalifikasjonar. Kvalifiserte tilsette med masterutdanning vil få stillingskode rådgjevar. Gode pensjons - og forsikringsordningar Slik søkjer duSend søknad og CV ved å klikke på knappen merka "Søk stilling" på denne sida.Det er søkjar sitt ansvar å sørge for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkjar sjølv laste opp attesterte omsettingar.Søknader kan ikkje sendast på e-post til enkeltpersonar i kommunen.Vi gjer merksam på at i følgje offentleglova § 25, 2. ledd kan opplysningar om søkjaren verte offentleggjort sjølv om søkjaren har oppmoda om ikkje å bli ført opp på offentleg søkjarliste. Søkjaren vil alltid bli varsla på førehand dersom søkjarlista vert offentleggjort.

Om arbeidsgiveren Austevoll er ei øygruppe og ein kommune Sør-Vest i Vestland fylke. Austevoll er landets største fiskerikommune med svært høg næringsaktivitet og byr på eit mangfald av spennande jobbar.Kommunen sitt administrasjonskontor held til i nye lokalar i kommunehuset på Storebø som ligg 5 minuttars køyring frå ferje- og snøggbåtkai.Alle sambanda mellom Austevoll og fastlandet er gratis for alle reisande!  Kommunen har eit folketal på 5.300 innbyggjarar og dagleg pendlar om lag 700 til og frå Austevoll til nabokommunar.Vi er om lag 400 fast tilsette som er opptatt av å gje innbyggjarane våre gode kommunale tenester. Vi kan tilby meiningsfylte og utfordrande oppgåver og gode, offentlege pensjons- og forsikringsordningar. Administrasjonsmålet i kommunen er nynorsk.Vi ønskjer deg velkommen som søkjar til stilling i Austevoll kommune!

Sektor Offentlig Sted Birkelandsvegen 2, 5392 Storebø Bransje Barn, skole og undervisning, Helse og omsorg, Offentlig administrasjon Stillingsfunksjon Kontor og administrasjon, Rådgivning, Saksbehandler

Spørsmål om stillingen Kontaktperson Ida Heggholmen Stillingstittel Personalsjef Telefon 97 16 96 04 Send melding

Søk her

Hjemmeside Flere stillinger fra Austevoll Kommune

Følg firma 74 følger dette firmaet

Birkelandsvegen 2, 5392 Storebø Stort kart Hybridkart Flyfoto