Erfaren og engasjert UX-designer

Arbeidsgiver Helse Vest IKT Stillingstittel Erfaren og engasjert UX-designer Frist 25.10.2023 Ansettelsesform Fast

Bli kjent med Helse Vest IKT AS

Vi i Helse vest IKT har glødande interesse for å forenkla kvardagen til pasientar og helsepersonell. Å driva sjukehus og pasientbehandling er komplekst. Det å skapa betre brukaropplevingar for tilsette og pasientar gir oss meiningsfulle og spennande arbeidsdagar, kvar einaste dag. Fagområdet UX er ein del av Seksjon utvikling. Seksjonen består av 50 høgt kvalifiserte medarbeidarar fordelt på åtte team. Vi utgjer eit sterkt fagmiljø som er opptekne av å laga gode, framtidsretta løysingar for helsetenestene. UX-designarar jobbar tett med alle roller, som helsepersonell, brukarrepresentantar, utviklarar, arkitektar og prosjektleiarar. Vi jobbar både med løysingar som blir utvikla internt hos oss og i samarbeid med leverandørane våre. Saman leverer vi mange spennande løysingar for helsepersonell og pasientar ved alle sjukehusa på Vestlandet. Du blir ein del av team Brukeropplevelse. Vi består i dag av to UX-designarar, men me har ein ambisjon om å veksa og bli fleire. Vi ser derfor etter ein sterk lagspelar som kan vera med oss for å byggja UX vidare.

Arbeidsoppgåver Du får bidra til å skapa gode brukaropplevingar i eksisterande og nye løysingar gjennom å: Analysere brukarbehov (Lær) Prototyping (Bygg) Brukartesting (Test) Du vil arbeida med mange spennande oppgåver: Forma nye, og forbetra eksisterande løysingar som skaper heilskaplege brukaropplevingar Aktivt bruka designmetodikk for å sikra at behova til brukaren blir varetekne Gjennomføre intervju, workshops, observasjon og brukartestar Bidra til å vidareutvikla fagområdet UX-design og driva internt UX-fagnettverk Utarbeide konsept, designforslag og prototypar Lage og halda ved like designsystem Sørgja for at løysingane blir universelt utforma Fasilitere og halda workshops

Kvalifikasjonar Relevant høgare utdanningErfaring med metodar, teknikkar og verktøy innan brukaroppleving (Lær-Bygg-Test) Erfaring med prototypeverktøy (vi bruker Figma) Har eit auge for inkluderande design Ein ringrev på interaksjonsdesign Kjennskap til WCAG og universell utforming God munnleg og skriftleg framstillingsevne på norsk

Personlege eigenskapar Entusiasme for fagfeltet og empati for brukarane Sjølvgåande, men trivst best med å jobba i team Trivest med variasjon og byta mellom oppgåver Kreativ og glad i å finna gode løysingar saman med andre God til å lytta og setja deg inn i problemstillingane til andre Audmyk for ekspertisen til andre innan deira fagfelt Bryr deg om å skapa godt samarbeid og samhald Nøye på kvalitet i leveransene

Vi tilbyr Høyrast det givande ut å jobbe ein stad med eit inspirerande samfunnsoppdrag? Då vil vi snakke med deg! Hos oss får du eit godt grunnlag for fagleg og personleg utvikling Engasjerte kollegaer Eit positivt og sosialt arbeidsmiljø med høg grad av medarbeidartilfredsheit Fleksible arbeidsordningar med fleksitid og arbeidsveke på 37,5 timar inkl. lunsj Løn etter avtale Medlemskap i KLP som sikrar gode pensjonsrettar Nye, flotte lokale med sentral plassering på Kronstad X

Om arbeidsgiveren Helse Vest IKT leverer alle IKT-tenester til spesialisthelsetenesta i Helse Vest. Våre kundar er både dei offentlege sjukehusa i Helse Vest, samt fleire private helsetenesteleverandørar i regionen. Vi har kontor i Bergen, Stavanger, Førde og Haugesund.Vi siktar mot å betre helsetenesta ved innovativ bruk av IKT-løysingar. Vi har som mål å innføre teknologi som gjer pasientbehandlinga på sjukehusa tryggare og meir effektiv. Vi er et framtidsretta miljø som kontinuerleg samarbeider med sjukehusa for å hjelpe dei med innovative arbeidsmåtar. For å klare det, er vi avhengig av å være ein variert miks av tilsette. I tillegg til teknologi- og IT-hovud, har vi mange flinke folk i stabs- og støttefunksjonar, og ikkje minst med uvurderleg helsefagleg bakgrunn.Føretaksgruppa i Helse Vest ønsker å spegle mangfaldet i befolkninga i rekrutteringa vår. Vi oppfordrar alle som er kvalifiserte til å søke ledige stillingar uansett kjønn, alder, funksjonsnivå og fleirkulturell bakgrunn, eller om du har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.Vil du bli betre kjent med oss og lese meir om kva vi driv med? Gå inn på helse-vest-ikt.no

Sektor Offentlig Sted Bjørnsons gate 29, 5052 Bergen Bransje IT, IT - programvare Stillingsfunksjon IT utvikling / QA/Testing, IT utvikling / Front-end, Design / Web

Nøkkelord UX, Brukeropplevelse, Interaksjonsdesign

Spørsmål om stillingen Kontaktperson Magnhild Viste Stillingstittel Seksjonsleiar Telefon 92 22 80 88

Søk her

Følg firma 768 følger dette firmaet

Bjørnsons gate 29, 5052 Bergen Stort kart Hybridkart Flyfoto