Førsteamanuensis/førstelektor/ høgskulelektor i norsk

Arbeidsgiver Høgskulen på Vestlandet Stillingstittel Førsteamanuensis/førstelektor/ høgskulelektor i norsk Frist 01.11.2023 Ansettelsesform Vikariat

Førsteamanuensis/førstelektor/ høgskulelektor i norsk Ved Høgskulen på Vestlandet (HVL) er det ledig to mellombelse stillingar som førsteamanuensis/førstelektor/høgskulelektor i norsk ved Fakultet for lærarutdanning, kultur og idrett.Om stillinga:Stillinga inngår i Institutt for språk, litteratur, matematikk og tolking og er ledig i tida 01.01.2024 - 31.12.2024.Arbeidsstaden er campus Sogndal.Ansvars- og arbeidsoppgåver:Stillinga har følgjande ansvars- og arbeidsoppgåver:Undervise, rettleie og utvikle studentaktive læringsformer i tråd med krav i studietilsynsforskrifta. Arbeidsoppgåvene vil primært vere undervisning, rettleiing, vurdering, praksisoppfølging og utvikling av studentaktive læringsformer i norsk/norskdidaktikk knytt til grunnskulelærarutdanningane (1-7 og 5-10), barnehagelærarutdanninga og etter- og vidareutdanningar. Ein god del av arbeidsoppgåvene vil vere knytt til undervisning i litteratur og litteraturdidaktikk.Institusjonsbyggjande arbeid irekna; fagadministrative oppgåver, internasjonalisering og samhandling med eksterne partnararAktivt bruke digitale verktøy i arbeidskvardagenDet kan bli aktuelt med noko reising i stillinga, og undervisning kan i nokre tilfelle bli lagt utanfor campus Sogndal.Kvalifikasjonskrav:Formell utdanning og kompetanse:Kriteria for tilsetting i undervisnings- og forskarstilling går fram av Forskrift om ansettelse og opprykk i undervisnings- og forskerstillinger (https://lovdata.no/dokument/SF/forskrift/2006-02-09-129?q=Forskrift%20om%20ansettelse%20og%20opprykk).For tilsetting som førsteamanuensis må søkjar ha doktorgrad i norsk/norskdidaktikk/nordisk språk- og litteratur.For tilsettng som førstelektor må søkjar ha kompetanse på nivå med norsk doktorgrad, og med tilsvarande relevanskrav som for førsteamanuensis.For tilsetting som høgskulelektor må søkjar ha hovudfag/mastergrad master/hovudfag i norsk/norskdidaktikk/nordisk eller master i utdanningsvitskap med masterfag norsk/læring og undervisning med masterfag norsk/GLU-master med masterfag norsk. Søkjar må ha hovudfag/mastergrad med gode resultat, normalt A eller B på masteroppgåva. Personlege eigenskapar:Den som vert tilsett må ha gode samarbeids- og formidlingsevner, men òg evne til å arbeide sjølvstendig, ta initiativ og vere fleksibel.Høgt etisk medvit i møte med studentar og tilsette er påkravd.Den som vert tilsett må vere personleg eigna for stillinga. Språkkrav:Undervisningsspråket er norsk, og søkjarar må kunne undervise på norsk eller eit anna skandinavisk språk. Fagmiljøet tek eit særleg ansvar for nynorsk skriftspråk. Følgjande tel positivt i vurderinga:Kompetanse innanfor litteratur og litteraturdidaktikk med relevans for barnehage og grunnskuleFormell praktisk-pedagogisk kompetanse og relevant erfaring frå barnehage, grunnskule og/eller høgare utdanningAktiv bruk av digitale verktøy i arbeidskvardagen og erfaring med pedagogisk bruk av IKT Aktuelle kandidatar vert kalla inn til intervju.Korleis søkje på stillinga?Send søknad og CV ved å klikke på knappen merka "Søk stillinga" på denne sida.Vi gjer merksam på at søknadar vert vurdert ut frå den informasjonen som er lagt inn i www.jobbnorge.no (http://www.jobbnorge.no) ved søknadsfristens utløp. Det er søkjar sitt ansvar å sørgje for at alle relevante vedlegg er lagt inn innan fristen,  irekna:Vitskaplege arbeida (inntil 5 stk.)Fullstendig publikasjonslisteAttestar og vitnemål.(For førsteamanuensis kan utdanningsfagleg kompetanse dokumenterast med ei pedagogisk mappe og ein pedagogisk CV i tråd med Kriterier for utdanningsfagleg basiskompetanse ved tilsetting og opprykk i førsteamanuensis- og professorstilling ved HVL (https://www.hvl.no/globalassets/hvl-internett/dokument/kriterier-for-utdanningsfaglig-basiskompetanse-ved-ansettelse-og-opprykk-i-forsteam-2020.pdf). - dette vert berre teke med for mellombelse stillingar over 1 år)Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv lasta opp attesterte omsetjingar. Om vedlegga overstig 25 MB må dei komprimerast før opplasting eller leggjast ved som lenkje, total maksgrense for opplasting av vedlegg er 50 MB.Søkjar med utenlandsk utdanning må i tillegg legge ved HKdir si generelle vurdering om at utdanninga (bachelor- og mastergrad) samsvarar med norsk mastergrad. Sjå HKdir (https://hkdir.no/utdanning-fra-utlandet) for meir informasjon om vurdering av høgare utdanning. Vi gjer merksam på at søknad om vurdering frå HKdir kan ta tid og søknaden bør sendast så tidleg som mogleg når du veit du vil søkje stipendiatstillinga. Dersom du ikkje har fått svar innan søknadsfristen, legg du ved dokumentasjon frå HKdir om at dei har mottatt søknaden din. Søknadar kan ikkje sendast på e-post til enkeltpersonar ved høgskulen.Vi tilbyr:Gode pensjons- og forsikringsordningar i Statens pensjonskasseSpanande fagmiljø med moglegheit for kompetanseheving - og utviklingHøve for trening i arbeidstida Stillinga som førsteamanuensis / førstelektor / høgskulelektor er lønna etter Statens lønsregulativ, i stillingskode 1011 - Førsteamanuensis / 1198 - Førstelektor / 1008 - Høgskulelektor.Frå løna vert det trekt 2 % innskot til Statens pensjonskasse.Generell informasjon:Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å oppnå ein balansert alders- og kjønnssamansetning og rekruttere personar med minoritetsbakgrunn, nedsett funksjonsevne og hol i CV.Høgskulen på Vestlandet er underlagt forskrift for eksportkontrollsystem. Forskriften kan komme til anvending i behandlingen av søknadane.Kontaktpersonar ved Høgskulen på Vestlandet er:Faggruppeleiar Janne SønnesynTlf.: 57 67 61 56E-post: janne.sonnesyn@hvl.no Assisterande instituttleiar Tom Rune KongelfTlf.: 990 17 802E-post: tom.rune.kongelf@hvl.noInkludere, utfordre og samhandleLes meir på våre heimesider. (http://www.hvl.no)

Om arbeidsgiveren Høgskulen på Vestlandet (HVL) er ein av dei største høgskulane i landet, med om lag 1 900 tilsette og 17 500 studentar fordelte på fem campus i Førde, Sogndal, Bergen, Stord og Haugesund.Vi har sterke og innovative fagmiljø innan helse- og sosialvitskap, ingeniør- og naturvitskap, økonomi, samfunnsvitskap og maritime studier, og lærarutdanning, kultur og idrett. HVL tilbyr bachelor-, master- og doktorgradsutdanningar og ulike årsstudium. HVL er tett på arbeidslivet, regionen og studentane, og har mål om å bli eit universitet med profesjons- og arbeidslivsretta profil.Fakultet for lærarutdanning, kultur og idrett har fire institutt med tilsette i Bergen, Sogndal og på Stord. Fakultetet er ein av dei største lærarutdanningsinstitusjonane i landet med rundt 6600 studentar og 550 tilsette, og tilbyr barnehagelærarutdanning, grunnskulelærarutdanning for 1.-7. og 5.-10. trinn, praktisk-pedagogisk utdanning, bachelorutdanningar, masterutdanningar og Ph.d.-program. Fakultetet har eit omfattande etter- og vidareutdanningstilbod. Forskingsaktiviteten ved fakultetet blir organisert i forskingsprogram og forskargrupper.Institutt for språk, litteratur, matematikk og tolking har omlag 160 tilsette i Bergen, Sogndal og på Stord.Instituttet gjev undervisning på alle nivå og er involvert i barnehagelærarutdanninga, grunnskulelærarutdnningane, og i bachelorutdanninga i teiknspråk og tolking. I tillegg bidreg instituttet i to-årige masterutdanningar og i Ph.d.-programmet Studier av danning og didaktiske praksisar. Instituttet har eit omfattande etter- og vidareutdanningstilbod.Tilsette på instituttet er involvert i forsking som er relevant for utdanningane våre og deltar i fagleg nettverksarbeid både nasjonalt og internasjonalt. Instituttet har som mål å vere i front av skule- og profesjonsorientert kompetanseutvikling innanfor sine fagfelt. I denne samanhengen er vi i kontinuerleg samarbeid med  viktige aktørar i regionen om til dømes vidareutdanning og skule- og barnehagebasert kompetanseutvikling.

Sektor Offentlig Sted Røyrgata 6, 6856 Sogndal Bransje Forskning, utdanning og vitenskap, Offentlig administrasjon Stillingsfunksjon Undervisning og pedagogikk / Lærer/Lektor, Undervisning og pedagogikk / Professor/Førsteamanuensis

Spørsmål om stillingen Kontaktperson Janne Sønnesyn Stillingstittel Faggruppeleiar Telefon 57 67 61 56 Send melding

Søk her

Hjemmeside Flere stillinger fra Høgskulen på Vestlandet

Følg firma 920 følger dette firmaet

Røyrgata 6, 6856 Sogndal Stort kart Hybridkart Flyfoto