BeskrivelseOm stillingaDet er ledig eit embete som jordskiftedommar ved Haugalandet og Sunnhordland jordskifterett.Tiltreding er etter nærmare avtale.Domstolen femner om kommunane Bokn, Haugesund, Karmøy, Sauda, Suldal, Tysvær, Utsira og Vindafjord i Rogaland fylke, og Bømlo, Etne, Fitjar, Kvinnherad, Stord, Sveio og Tysnes i Vestland fylke. Domstolen har kontorstad i Leirvik sentrum på Stord, og det er for tida 11 tilsette.KvalifikasjonskravFor stillinga blir det kravd jordskiftefagleg utdanning på mastergradsnivå med fagkrins fastsett av departementet, delegert til Domstoladministrasjonen, frå NMBU eller frå Høgskulen på Vestlandet. Jamstilt er eksamen frå NMBU/UMB/Noregs landbrukshøgskule med hovudkurs i jordskiftefag/eigedomsutforming.Det er ynskjeleg med brei yrkes- og livserfaring. God skriftleg og munnleg framstillingsevne, analytisk evne, god menneskekunnskap og gode samarbeidsevner, vil også bli vektlagt. Noregs domstolar er i utvikling og det gjennomførast ei stor modernisering og digitalisering av verksemda. Det vil bli lagt vekt på at kandidaten har evne til å vidareutvikle jordskifteretten i tråd med krav og forventningar som brukarane har.Arbeidstakaren må utan erstatning finne seg i eventuelle avgjerder om endring som blir gjorde i forretningskrinsen og organiseringa av domstolen, til dømes samanslåing med andre domstolar. Omorganisering kan føre til bortfall av leiaransvar og administrative oppgåver, endring av tittel og/eller ny kontorstad.Vi kan tilbyeit sjølvstendig og meiningsfylt arbeid med rom for fagleg utviklingeit omfattande introduksjonsprogram for nye dommararårlege oppdaterings- og etterutdanningstilbodmoglegheit for ein månads studiepermisjon kvart fjerde årgode pensjons-, forsikrings- og låneordningar i Statens pensjonskasseLønn etter Statens regulativ, jordskiftedommar kode 0455. Årleg lønn er for tida kr 941 900,-Frå lønna blir det trekt 2 % innskott til Statens pensjonskasse. Skyss- og kostgodtgjersle etter Statens regulativ. Søkjaren må ha førarkort for bil.Søkjarar må vere norske statsborgarar. Generell informasjon til søkjarane finn ein på www.domstol.no/innstillingsradet. For kandidatar som blir innstilt krev ein uttømmande politiattest.Det er god praksis i jordskiftedomstolane at ein hjelper kvarandre med saksavviklinga på tvers av soknegrensene. Søkjarane må difor vere innstilte på å ta saker utanfor eige sokn.Etter at søknadsfristen er gått ut, vil offentleg søkjarliste vere tilgjengeleg på www.jordskifte.no/www.domstol.no/innstillingsradet. Ytterlegare opplysingar om stillinga kan ein få ved å kontakte:Innstillingsrådet for dommarar v/sorenskrivar Arnfinn Agnalt, tlf. 69 79 77 00Domstoladministrasjonen v/avd.direktør Solveig Moen, tlf. 73 56 70 00Haugalandet og Sunnhordland jordskifterett v/jordskifterettsleiar Oddmund Roalkvam, tlf. 53 40 27 20Meir informasjon om domstolane finn du på www.domstol.no.Dersom det kjem fram av søknaden din at du ønskjer konfidensiell handsaming, gjer vi merksam på at opplysningar om søkjar likevel kan gjerast offentleg, jf. Offentleglova § 25.Ved å søkje på stillingar i www.jobbnorge.no samtykkjer du til at vi kan handsame personopplysningar om deg. Opplysningane vil berre bli brukte i rekrutteringssamanheng. Personopplysningane dine vil ikkje bli lagra lenger enn naudsynt.Vi ber om at du legg søknad med CV, vitnemål og attestar inn i det elektroniske søknadsskjemaet på ”Søk denne stilling”. Alle attestar og vitnemål skal leggjast ved samla i eit vedlegg. Vi ber om at du skriv i søknaden kvar du først såg utlysinga.Søknadsfrist: 11. oktober 2023
Osen 6, 5401 StordStort kartHybridkartFlyfoto