BeskrivelseMe har ledig fast stilling i 100% somArealplanleggarPlan, næring og kultur-etaten sine hovudfagområde er arealplan, nærings- og samfunnsutvikling, jord- og skogbruk og kulturarbeid. Plandelen har mellom anna ansvar for kommunen si arealforvaltning, stadutvikling, plan- og byggesakshandsaming, kartforvaltning, oppmåling- og delingssaker, m.m. I stillinga som arealplanleggar/ reguleringsarkitekt kan me tilby spennande og utfordrande oppgåver i arbeidet med kommunen sin arealmessige og samfunnsmessige utvikling. Hovudoppgåvene vil vere knytt til utarbeiding av nye reguleringsplanar og revidering av kommuneplanen. Hovudfokus vil vere etablering av nye, attraktive bustadtomter, utvikling av kvalitetane i tettstadene og leggje grunnlag for gode møteplassar, berekraftig forvaltning av arealressursane, samt gode bu- og levevilkår. Anna prosjekt og plansaker kan bli tillagt stillinga.Vi ynskjer eit mangfald og ei jamn fordeling mellom kvinner og menn på arbeidsplassen. Me oppmodar difor alle kvalifiserte kandidatar til å søke jobb hos oss uansett alder, kjønn, seksuell orientering, funksjonshemming, nasjonalitet eller etnisk bakgrunn.Kvalifikasjonar:· Du bør ha utdanning på universitets -- eller høgskulenivå innan arealplanlegging eller ingeniørfag/ arkitektur, med planfag som retning.· Du må ha god kunnskap om Plan- og bygningslova, samt planprosessar og prosjektleiing.· Du må ha kunnskap og erfaring innan GIS og analyseverktøy.· Relevant praksis kan vege opp for manglande formell utdanning· Det vert lagt vekt på god kommunikasjonsevne og gode evne til samarbeid· God norsk munnleg og skriftleg framstillingsevne. Tokke har nynorsk som administrasjonsspråk.Vi søker deg som:· Er serviceinnstilt og løysingsorientert· Har evne til å arbeide godt både sjølvstendig og i gruppe med andre· Taklar høgt tempo og komplekse oppgåver· Er initiativrik, strukturert og målbevisstVi tilbyr:· Godt fagleg og sosialt arbeidsmiljø med gode utvikligsmoglegheiter· Løn etter avtale· Gode pensjons- og forsikringsordningarKontaktperson for stillinga er kommunalsjef plan, næring og kultur, Knut Erik Paulsen tlf. 350 75 200.I samsvar med Offentleglova § 25 kan namn på søkjarane offentleggjerast. Aktuelle søkjarar vert kalla inn til intervju.Søknad vert å sende på elektronisk skjema, sjå www.tokke.kommune.no/ledige stillingarSøknadsfrist 27. oktober 2023Vi ser fram til å høyre frå deg!

Storvegen 60, 3880 DalenStort kartHybridkartFlyfoto