Vi søker dyktig leiar som skal ha ansvar for avdeling økonomisk kriminalitet

Arbeidsgiver Sparebanken Sogn og Fjordane Stillingstittel Leiar økonomisk kriminalitet Frist 31.10.2023 Ansettelsesform Fast

Bli kjent med Sparebanken Sogn Og Fjordane

Har du lyst til å bidra til å nedkjempe økonomisk kriminalitet? Vi søker dyktig leiar som skal ha ansvar for avdeling økonomisk kriminalitet.Som leiar for avdeling økonomisk kriminalitet vil du få ansvar for at Sparebanken Sogn og Fjordane til ei kvar tid har eit godt implementert rammeverk, som samsvarar med leiande praksis for risikostyring knytt til økonomisk kriminalitet. Du vil leie avdelinga og vidareutvikle banken sitt arbeid mot økonomisk kriminalitet, som inkluderer kvitvasking og terrorfinansiering, handtering av svindel og sanksjonar. Avdelinga vil jobbe i tett samspel med forretningsområda Privatmarknad og Bedriftsmarknad, samt andre fagavdelingar i banken. Ein sentral del av stillinga vil være å førebyggje, avdekke, utgreie og rapportere økonomisk kriminalitet for å sikre at banken til ei kvar tid er tilpassa gjeldande krav og endringar i relevante regelverk. Til stillinga ligg også rolla som antikvitvaskingsansvarleg, med direkte rapporteringslinje til adm. direktør og styret i banken. Stillinga har også ansvar for opplæring og kompetanseheving i organisasjonen innanfor dei aktuelle områda. Er du den vi er på jakt etter?Vi søkjer deg som har interesse for arbeid med nedkjemping av økonomisk kriminalitet. Du har god analytisk kompetanse, er utviklings- og løysingsorientert og du trivast med å løyse komplekse problemstillingar i lag med eit kompetent team.   Relevante eigenskapar og kompetanse Høgare akademisk utdanning, gjerne som jurist eller økonom, men anna relevant utdanning kan også vere aktuelt Erfaring fra bank/finans, tilsynsmyndigheit eller anna relevant arbeid Tryggleik i leiarrolla og erfaring med personalansvar Evne til å utfordre, engasjere og vidareutvikle medarbeidarar og organisasjonen Strukturert, sterk drivkraft og god gjennomføringsevne Evne til å kommunisere godt og tydeleg, både på norsk og engelsk Som arbeidsgjevar tek vi godt vare på våre tilsette. Noko av det vi kan tilby er fleksibel arbeidstid, hybrid kontorløysing, redusert arbeidstid frå mai til august, medeigarskap i bedrifta gjennom tildeling av eigenkapitalbevis, gode pensjons- og forsikringsordningar og ei spennande stilling med moglegheit for personleg utvikling i ein innovativ og framtidsretta bank. Hos oss får du eit triveleg arbeidsmiljø med kompetente kollegaer som vil ta godt i mot deg.  Hos oss er det korte vegar til avgjersler, vi hjelper kvarandre med å lukkast og det er rom for å vere seg sjølv. Kontorstad: Førde  Nærare informasjon om stillinga får du ved å kontakte adm. direktør, Trond Teigene, tlf 908 25 086 eller fagansvarleg HR, Lillian Loen, tlf 905 70 484.  Vi ser fram til å høyre frå deg!  Sparebanken Sogn og Fjordane er den niande største sparebanken i landet og har nær 50 prosent av marknaden i Sogn og Fjordane. Banken har ein forvaltningskapital på om lag 74 milliardar kroner og nær 280 tilsette i Sogn og Fjordane og Bergen. Banken er det største finansielle fagmiljøet mellom Ålesund og Bergen. Vi støttar næringsutvikling i regionen og bidreg til omstilling til eit meir klimavennleg og berekraftig samfunn.

Sektor Privat Sted Langebruvegen 12, 6800 Førde Bransje Bank, finans og forsikring Stillingsfunksjon Ledelse

Nøkkelord Ledelse, Økonomisk kriminalitet, personalledelse, antihvitvask

Spørsmål om stillingen Kontaktperson Trond Teigene Stillingstittel adm. direktør Telefon 90 82 50 86 Send melding Kontaktperson Lillian Loen Stillingstittel Fagansvarleg HR Telefon 90 57 04 84 Send melding

Søk her

Følg firma 89 følger dette firmaet

Langebruvegen 12, 6800 Førde Stort kart Hybridkart Flyfoto